Gítarsnillingurinn Guthrie Govan á leið til landsins

Breski gítarleikarinn Guthrie Govan er á leið til landsins og kemur fram á tónleikum á Rósenberg í byrjun september.

Koma hans er fengur fyrir gítarleikara landsins því Govan er þungavigtarmaður í gítarheiminum og þykir vera einn sá færasti og fjölhæfasti í bransanum í dag.

Hann býr yfir undraverðri tækni og víðtækri fræðilegri þekkingu sem nýtist honum til að spila nánast hvaða tegund tónlistar sem er.

Guthrie Govan kemur fram ásamt nokkrum af fremstu djasstónlistarmönnum landsins á Rósenberg 2. og 3. september og ætlar auk þess að halda námskeið fyrir áhugasama í FÍH.