Tvöfaldur sigur hjá Brasilíu á HM í strandblaki, myndir

Heimsmeistaramótinu í strandblaki í karla og – kvennaflokki lauk í Róm á Ítalíu um helgina. Larissa Franca og Juliana Felisberta Silva frá Brasilíu sigruðu í kvennaflokknum og Brasilía fagnaði einnig sigri í karlaflokknum þar sem að Emanuel Rego og Alison Cerutti stóðu uppi sem sigurvegarar.

Rego og Cerutti léku gegn löndum sínum Ricardo Santos og Marcio Araujo í úrslitum í karlaflokknum og höfðu betur 21-16 og 21-15.

Í kvennaflokknum léku Misty May-Treanor og Kerri Walsh frá Bandaríkjunum til úrslita gegn Franca og Silva. Sá leikur fór 21-17, 13-21 og 16-14.