Mata liggur ekkert á að komast frá Valencia

Ein af stjörnum spænska U-21 árs liðsins sem vann EM, Juan Mata, segir að sér liggi ekkert á að fara frá Valencia en fjölmörg félög hafa sýnt honum áhuga eftir mótið í Danmörku. Má þar nefna Real Madrid og Barcelona sem og Liverpool og Arsenal.

"Ég vil gjarna vinna titil með Valencia næsta vetur. Ég er ekki að skipuleggja neina brottför enda samningsbundinn félaginu til 2015," sagði Mata.

Valencia er aftur á móti í fjárhagsvandræðum og myndi líklega selja Mata fyrir rétt verð. Hermt er að tilboð í kringum 23 milljónir punda myndi líklega duga til.