Messi: Verð alltaf í Barcelona

Lionel Messi á ekki von á því að hann muni spila með öðru félagsliði en Barcelona á ferlinum.

Messi er talinn besti knattspyrnumaður heims en hann varð á dögunum tvöfaldur meistari með spænska liðinu. Hann skoraði til að mynda eitt mark Barcelona í 3-1 sigri á Manchester United í úrslitaleik Meistaradeildarinnar um síðustu helgi.

„Ég sé ekki fyrir mér að ég muni einhvern tímann spila með öðru félagi,“ sagði Messi í samtali við fjölmiðla í heimalandinu.

„Ég hef verið það heppinn að vinna allt sem hægt er að vinna með Barcelona. En nú er markmiðið mitt að vinna Copa America með Argentínu.“