Vötnin lifna við

Það er óhætt að segja að hlýindin undanfarna daga hafi kveikt líf í vötnunum á suðvesturlandi síðustu daga. Bleikjan er aðeins farin að gefa sig í Þingvallavatni og við heyrðum af mönnum í dag sem fengu fínt skot í Hlíðarvatni. Það er helst að bleikjan taki snemma á morgnana eða í kvöldskímunni þegar dagarnir eru bjartir en það spáir þykknandi veðri og súld á vesturlandi um helgina þannig að það má reikna með að fiskurinn taki betur á daginn.

Það hefur lítið frést af veiðum fyrir norðan en margir veiðimenn bíða í ofvæni eftir því að vötnin á Skagaheiðinni verði klár. Þau eru oft mjög gjöful í byrjun sumars og fiskurinn þar oft mjög vænn.

 

Ef þið eruð með skemmtilegar veiðisögur og veiðimyndir endilega sendið okkur póst á kalli@365.is