Þar liggja drekarnir í djúpinu

   Það eru margir sem hafa lagt leið sína í Minnivallalæk og séð urriðatröllin sem liggja víða í ánni.  Þeirri sýn er oft erfitt að gleyma og það eru margir veiðimenn sem halda tryggð við þessa skemmtilegu í mörg ár í þeirri von um að ná í einn slíkann.  Og á hverju ári eru alltaf nokkrir í kringum 20 pundin sem falla fyrir flugum veiðimanna.

 

Það er oft talað um að í ánni séu tvær stofnar urriða.  Annar stofnin sem dvelur allan sinn lífaldur í ánni og hinn sem fer í jökulvatnið og "gengur" aftur upp í ánna til að hrygna.  Þessir tveir stofnar eru útlitslega frábrugðnir þar sem staðbundni fiskurinn er eins og maður á að venjast urriða við þessar aðstæður, með þennan auðþekkjanlega brúna lit á meðan hinn stofninn minnir stundum helst á bjartan göngulax.

 

Í byrjun veiðitímabilsins eru menn gjarnan að nota straumflugur en þegar hlýnar í veðri og líf kviknar í læknum þá fer urriðinn að velja vel úr því sem borið er fyrir hann.  Þá borgar sig að skoða vel hvaða flugur það eru sem eru í klaki og finna eitthvað í boxinu sem líkist því.  Og þótt ótrúlegt megi virðast þá skiptir stærðin máli og alveg í öfgarnar!  Þeir sem hafa gert bestu dagana þarna í gegnum tíðina hika ekkert við að nota flugur niður í stærðir #22, og það eru oft breskir veiðimenn sem fara niður í þessar fluguagnir.  Þurrflugan gefur líka vel þegar viðrar rétt fyrir hana en flestir sem veiða í læknum veiða þó andstreymis enda gefur sú aðferð oft vel fyrir bæði urriða og bleikju í rennandi vatni.

 

Það er krefjandi og skemmtilegt að veiða í læknum og fyrir þá sem eiga eftir að prófa hann þá eru einhver laus leyfi í maí hjá www.strengir.is