Ástand Robert Kubica jákvætt

Formúlu 1 ökumaðurinn Robert Kubica frá Póllandi sem slasaðist alvarlega í rallkeppni á Ítalíu á dögunum, er kominn af gjörgæslu á spítalanum sem hann dvelur á og í endurhæfingu á samkvæmt frétt á autosport.com.

Nick Heidfeld hefur verið ráðinn sem staðgengill Kubica hjá Lotus Renault liðinu, á meðan hann grær sára sinna.

Kubica slasaðist illa á hægri hendi, auk þess að hljóta fleiri meiðsl, þegar vegrið gekk í gegnum miðjan rallbíl hans í keppni. Jakup Gerber aðstoðarökumaður hans slapp ómeiddur og báðir mega teljast heppnir að sleppa jafn vel og raun ber vitni.

"Hann getur hreyft fingurnar lítillega og er með lítilsháttar tilfinningu í hendinni. Það sem er mikilvægast er að engin ígerð er í hendinni, sem var aðal áhyggjuefnið", sagði Igor Rosello, einn af læknum Kubica, en rætt var við hann í gær.

"Ég sá hann í morgun og hann er nokkuð góðum málum og ástand hans er jákvætt ef miðað er við hvað hann gekk í gegnum um. Góðu fréttirnir eru þær að ástand hans hefur ekki orðið flóknara, eftir allar aðgerðirnar sem hann þurfti að fá. Hann er ekki lengur þjáður og sálrænt ástand er nokkuð gott. Hann vill ólmur hefja endurhæfingu sem fyrst."

Rosello telur að Kubica verði a.m.k. á spítala næstu tvær vikurnar og eftir það verður ástand hans metið. Sjálfur hefur Kubica sagt að hann vilji komast í keppni á ný sem fyrst, samkvæmt frétt autosport.com.