Eistland fær evruna sem gjaldmiðil

Í frétt um málið á börsen.dk segir að þar með láti fjármálaráðherrarnir sér í léttu rúmi liggja áhyggjur evrópska seðlabankans um verðbólguþróunina í Eystrasaltsríkjunum. Bankinn telur að þau ríki muni lenda í vandræðum með að halda verðbólgunni innan 2,5% markanna sem áskilin eru á evrusvæðinu.

Jürgen Ligi fjármálaráðherra Eistlands segir að þessar áhyggjur séu ástæðulausar. Það sé ekkert í spilunum sem bendi til þess að verðbólgan í Eistlandi sé að fara úr böndunum. Þar að auki hafi seðlabankinn ætíð sagt þetta þegar ný lönd hafa fengið evruna sem gjaldmiðil.