Gífurlegar verðhækkanir á hveiti, matvælaverð hækkar

Gífurlegar verðhækkanir hafa orðið á hveiti síðasta mánuðinn, þær mestu á síðustu 30 árum.

Það er einkum fyrirsjáanlegur uppskerubrestur í Rússlandi sem veldur þessum hækkunum en miklir þurrkar hafa eyðilagt stórann hluta af uppskerunni sem og skógareldar þeir sem geysað hafa í landinu undanfarna daga.

Samkvæmt frétt um málið í Financial Times hækkaði verð á hveiti á Evrópumarkaði um 8% í gærdag og hefur verðið því hækkað um 50% síðan í júní.

Matvælafyrirtæki segja óhjákvæmilegt að þessar miklu verðhækkanir komi við kaunin hjá neytendum í hækkuðu matvælaverði á næstu mánuðum.