Alonso getur orðið meistari í næsta móti 29. október 2010 13:42 Fernando Alonso fagnar sigrinum í Suður K'oreu um síðustu helgi. Mynd: Getty Images/Ker Robertson Fernando Alonso er eini ökumaðurinn af þeim sem fimm eiga möguleika á meistaratitlinum sem getur orðið heimsmeistari í Formúlu 1 í næsta móti. Aðeins tvö mót eru eftir á keppnistímabilinu. Alonso er með 11 stiga forskot á Mark Webber og ef Webber, Lewis Hamilton, Sebastian Vettel og Jenson Button gengur illa í Brasilíu um aðra helgi, þá getur Alonso orðið meistari. En til þess þarf honum líka að ganga vel. "Vitanlega á ég góðar minningar frá brautinni, af því ég tryggði mér titlanna tvo 2005 og 2006. Í hvert skipti sem ég fer til Sao Paulo er það sérstök tilfinning og andinn þar er frábær. Ég vil ekki hugsa um þann möguleika að sagan endurtaki sig í þriðja skipti. Það er fræðilega mögulegt, en telur ekki hjá mér", sagði Alonso í frétt á autosport.com, en m.a. er vitnað í ummæli Alonso á heimasíðu Ferrari í fréttinni. "Við munum mæta í mótið með sama hugarfari og í önnur. Einbeitum okkur að sjálfum okkur með báða fætur á jörðinni. Reynum að vinna vel, án mistaka og með það að markmiði að leggja keppinauta okkar að velli. Ég hef sagt það áður og segi þá aftur. Við reiknum stigin í Abu Dhabi", sagði Alonso, en lokamót ársins verður þar 14. nóvember. Alonso segir að hlutirnir geti snúist hratt í stigamótinu, eins og sannaðist í Suður Kóreu um síðustu helgi þar sem Webber var með 14 stiga forskot fyrir mótið, en er núna 11 stigum á eftir og aðeins tvö mót eftir. "Það er betra að vera á undan en eftir. Núna er þetta í okkar höndum og við erum því aðeins rólegri, en það breytir ekki aðferðarfræðinni. Það er nóg fyrir okkur að vera á undan keppinautum okkar, án þess að hugsa of mikið um stigin. Fræðilega geta fimm enn orðið meistarar, en staða Buttons er erfiðari. Það eru mörg stig á milli okkar, en við sáum hvernig málin fóru fyrir þremur árum. Það er erfitt að ímynda sér að allir fjórir ökumennirnir á undan honum í stigamótinu fái ekki stig", sagði Alonso um lokasprettinn. Enn eru 50 stig í stigapottinum fyrir sigur í tveimur mótum, en Alonso er með 231 stig, Webber 220, Lewis Hamilton 210, Sebastian Vettel 206 og Button 189. Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Bein útsending: Bakgarðshlaupið í Heiðmörk Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Fleiri fréttir Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Norris á ráspól á Monza en Verstappen í brasi Átján ára strákur tekur við af Lewis Hamilton Norris sá fyrsti til að vinna Verstappen í hollensku tímatökunum Nýliðarnir sanka að sér dýrmætri reynslu Sjá meira
Fernando Alonso er eini ökumaðurinn af þeim sem fimm eiga möguleika á meistaratitlinum sem getur orðið heimsmeistari í Formúlu 1 í næsta móti. Aðeins tvö mót eru eftir á keppnistímabilinu. Alonso er með 11 stiga forskot á Mark Webber og ef Webber, Lewis Hamilton, Sebastian Vettel og Jenson Button gengur illa í Brasilíu um aðra helgi, þá getur Alonso orðið meistari. En til þess þarf honum líka að ganga vel. "Vitanlega á ég góðar minningar frá brautinni, af því ég tryggði mér titlanna tvo 2005 og 2006. Í hvert skipti sem ég fer til Sao Paulo er það sérstök tilfinning og andinn þar er frábær. Ég vil ekki hugsa um þann möguleika að sagan endurtaki sig í þriðja skipti. Það er fræðilega mögulegt, en telur ekki hjá mér", sagði Alonso í frétt á autosport.com, en m.a. er vitnað í ummæli Alonso á heimasíðu Ferrari í fréttinni. "Við munum mæta í mótið með sama hugarfari og í önnur. Einbeitum okkur að sjálfum okkur með báða fætur á jörðinni. Reynum að vinna vel, án mistaka og með það að markmiði að leggja keppinauta okkar að velli. Ég hef sagt það áður og segi þá aftur. Við reiknum stigin í Abu Dhabi", sagði Alonso, en lokamót ársins verður þar 14. nóvember. Alonso segir að hlutirnir geti snúist hratt í stigamótinu, eins og sannaðist í Suður Kóreu um síðustu helgi þar sem Webber var með 14 stiga forskot fyrir mótið, en er núna 11 stigum á eftir og aðeins tvö mót eftir. "Það er betra að vera á undan en eftir. Núna er þetta í okkar höndum og við erum því aðeins rólegri, en það breytir ekki aðferðarfræðinni. Það er nóg fyrir okkur að vera á undan keppinautum okkar, án þess að hugsa of mikið um stigin. Fræðilega geta fimm enn orðið meistarar, en staða Buttons er erfiðari. Það eru mörg stig á milli okkar, en við sáum hvernig málin fóru fyrir þremur árum. Það er erfitt að ímynda sér að allir fjórir ökumennirnir á undan honum í stigamótinu fái ekki stig", sagði Alonso um lokasprettinn. Enn eru 50 stig í stigapottinum fyrir sigur í tveimur mótum, en Alonso er með 231 stig, Webber 220, Lewis Hamilton 210, Sebastian Vettel 206 og Button 189.
Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Bein útsending: Bakgarðshlaupið í Heiðmörk Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Fleiri fréttir Heimsmeistaranum refsað fyrir notkun blótsyrðis FIA tók fyrir kvörtun Red Bull og hefur kveðið upp dóm sinn Piastri vann í Aserbaísjan og McLaren fór fram úr Red Bull Lando Norris enn vongóður þrátt fyrir gulu flöggin Leclerc á ráspól á morgun Vill vinna titilinn á eigin forsendum Biðja Piastri um að styðja Norris í baráttunni um titilinn Hvalreki fyrir Aston Martin í Formúlu 1 Leclerc vann Monza kappaksturinn Táningurinn sem tekur við af Hamilton klessti bílinn í frumrauninni Norris á ráspól á Monza en Verstappen í brasi Átján ára strákur tekur við af Lewis Hamilton Norris sá fyrsti til að vinna Verstappen í hollensku tímatökunum Nýliðarnir sanka að sér dýrmætri reynslu Sjá meira