Hver verður hraustasta deildin hjá Stjörnunni?

Ungmennafélagið Stjarnan heldur upp á 50 ára afmæli sitt þessa daganna og á laugardaginn verður haldin fjölskylduhátíð í íþróttahúsinu Ásgarði í tilefni af hálfrar aldar afmæli félagsins.

Það verður boðið upp á skemmtiatriði og veitingar en einnig mun Andrés Guðmundsson skólahreystimeistari stýra hreystikeppni á milli deilda Stjörnunnar.

Leikmenn meistaraflokka Stjörnunnar og þjálfarar félagsins munu þar keppa um titilinn Hraustasta deildin í félaginu. Hátíðin hefst klukkan 13.00 laugardaginn 30. október.