Hamilton. Einn ánægjulegasti sigurinn í Singapúr

Bretinn Lewis Hamilton vann kappaksturinn á götum Singapúr í fyrra á

McLaren og telur hann einn af ánægjulegustu sigrunum sem hann vann á

ferlinum. Hann ekur McLaren á ný um næstu helgi á brautinni í Singapúr,

sem er mjög vinsæl meðal ökmumanna og mótið sjálft sjónarspil í

flóðljósum.

"Að ná fyrsta sæti í Singapúr í fyrra er einn ánægjulegasti sigurinn á

ferli mínum sem Formúlu 1 ökumanns. Liðið pressaði á útkomuna frá upphafi mótshelgarinnar og við náðum að vinna okkur gegnum ýmis vandamál og gáfumst ekki upp fyrr en sigurinn var í höfn. Það var einstök tilfinning að keyra fyrstur yfir endamarkslínuna ", sagði Hamilton í frétt á f1.com.

Hamilton féll úr leik í síðustu keppni eftir að hafa keyrt utan í Ferrari

Felipe Massa og skemmt hjólabúnað McLaren bílsins. Hann varð að hætta

keppni fyrir vikið.

"Ég er búinn að gleyma Monza. Ég lærði á þessu, þó ég hafi verið verulega

svekktur. En þetta skerpir huga og hönd og ég verð einbeittur það sem

eftir er tímabilsins. Þetta er mikilvægur tími."

"Það er erfitt að meta hve samkeppnisfærir við verðum í Síngapúr, sem

svipar til Mónakó og Búdapest, þar sem við vorum í vanda. En verkfræðingar

okkar eru jákvæðir á að við höfum tekið framförum og ég hlakka til að aka

bílnum á brautinni. Við mætum jákvæðir eftir þróunarvinnu og prófanir.

Mótið mun færa sönnur á raunstöðu okkar í meistaramótinu, þegar fimm mótum

er ólokið. Ég mun reyna eins mörgum stigum og mögulegt er í þessu móti",

sagði Hamilton.