Viðskipti erlent

Nordea hagnast vel á Pandóru

Nordea bankinn skilaði ágætu uppgjöri fyrir þriðja ársfjórðung ársins. Nordea hagnaðist vel á markaðsskráningu skartgripaframleiðandans Pandóru en 30% af tekjum bankans í Danmörku stafa af hagnaðinum frá Pandóru.

Í frétt um málið á business.dk segir að starfsemi Nordea í Danmörku hafi skilað hagnaði upp á 737 milljónir danskra kr. eða rúmlega 15 milljörðum kr. Þar af nam hagnaðurinn af sölu hluta í Pandóru 223 milljónum danskra kr. Þetta er 4% meiri hagnaður en á sama tímabili í fyrra.

Sjálf salan á Pandóru var þó ekki eini tekjupóstur Nordea af skartgripaframleiðandanum því bankinn fékk einnig greiddar um 100 milljónir danskra kr. fyrir ráðgjöf og þjónustu við markaðssetninguna á Pandóru.

Eins og fram hefur komið í fréttum hefur hin árangursríka markaðssetning Pandóru leitt til þess að Seðlabanki Íslands og skilanefnd Kaupþings fá 20 milljarða kr. aukalega fyrir söluna á FIH bankanum. FIH átti umtalsverðan hlut í Pandóru gegnum Axcel sjóðinn.





Mest lesið


Fleiri fréttir

Sjá meira


×

Mest lesið