Viðskipti erlent

Sjaldan ódýrara að gista á hótelum í Kaupmannahöfn

Gistinóttum fækkaði um 8% í Kaupmannahöfn í fyrra og segir Roy Kappenberger forstjóri Radisson hótelanna í Danmörku að við núverandi markaðsaðstæður sé ómögulegt að hækka verðin.
Gistinóttum fækkaði um 8% í Kaupmannahöfn í fyrra og segir Roy Kappenberger forstjóri Radisson hótelanna í Danmörku að við núverandi markaðsaðstæður sé ómögulegt að hækka verðin.
Það hefur sjaldan verið ódýrara að gista á hótelum í Kaupmannahöfn. Verðið á gistingunni lækkaði verulega í fyrra og sú þróun hefur haldið áfram það sem af er þessu ári.

Í frétt um málið á business.dk segir að meðalverð á gistingu á hóteli í borginni er nú 688 danskar kr. eða rúmlega 15,000 kr. nóttin. Til samanburðar var meðalverðið 847 danskar kr. í fyrra og hafði þá lækkað um 12% frá árinu 2008.

Það er einkum tvennt sem veldur þessum verðlækkunum. Framboð á hótelherbergjum hefur aukist töluvert á síðustu árum en eftirspurnin hefur dalað á móti. Segir í fréttinni að af þessum sökum muni verð á hótelgistingu í Kaupmannahöfn haldast ódýrt í langan tíma.

Gistinóttum fækkaði um 8% í Kaupmannahöfn í fyrra og segir Roy Kappenberger forstjóri Radisson hótelanna í Danmörku að við núverandi markaðsaðstæður sé ómögulegt að hækka verðin. Þvert á móti megi búast við enn lækkandi verðum þar sem samkeppnin fer harðnandi meðal hótelanna.





Mest lesið


Fleiri fréttir

Sjá meira


×

Mest lesið