Fyrrum klámkóngar stjórna nú West Ham liðinu

Viðskiptafélagarnir David Sullivan og David Gold sem nú hafa tekið við rekstri West Ham eiga fleira sameiginlegt en áhuga á fótbolta. Báðir hófu þeir feril sinn í klámiðnaðinum og þar myndaðist grundvöllurinn að auði þeirra síðar meir.

David Sullivan var 21 árs gamall þegar hann hóf að gefa út klámblöð og framleiða klámmyndir. Á miðjum áttunda áratugnum náði hann þeim árangri að stjórna helmingnum af allri klámblaðaútgáfu á Bretlandseyjum.

Samhliða blaðaútgáfunni komu svo klámmyndirnar en þær gerði hann fram til ársins 1981. Meðal þeirra má nefna The Playbirds og Queen of the Blues en aðalhlutverkið í þeirri mynd var í höndum þáverandi kærustu hans Mary Millington. Eftir að Mary framdi sjálfsmorð árið 1979 gerði Sullivan myndina Mary Millington´s True Blue Confessions. Síðasta klámmyndin sem Sullivan gerði var Emmanuelle in Soho árið 1981.

David Gold átti klámtímaritaútgáfuna Gold Star allt fram til ársins 2006. Hann notaði hagnaðinn af þeirri starfsemi m.a. til kaupa á verslunarkeðjunni Ann Summers og nærfatakeðjunni Knickerbox. Árið 2005 kom út æfisaga hans, Pure Gold, þar sem hann ræðir um fátækt sína í æsku, ferill sinn sem framleiðandi á klámefni og árin sem hann átti fótboltaliðið Birmingham ásamt Sullivan.

Upplýsingarnar um feril Sullivan og Gold eru m.a. byggðar á Wikipedia.