Button vann í stormasamri keppni

Bretinn Jenson Button á McLaren fagnaði sigri í kínverska Formúlu 1 kappakstrinum í Sjanghæ í dag, eftir að veðurguðirnir kínversku höfðu hrært upp í gangi mála hvað eftir annað. Lewis Hamilton fylgi Button í endmark í öðru sæti og Nico Rosberg á Mercedes varð þriðji.

Sebastian Vettel var fremstur á ráslínu, en missti strax Fernando Alonso framúr sér sem þjófstartaði reyndar og hlaut refsingu fyrir. Nico Rosberg leiddi svo mótið efir að hann kaus að skipta ekki yfir á regndekk eins og margir gerðu eftir fyrstu hringina.

En Rosberg gerði mistök í beygju og tokst Button að smeygja sér framúr Rosberg og ná forystu. En keppendur tóku margir hverjir mörg hlé til dekkjaskipta og oft var erfitt að ráða í stöðuna, vegna sífelldra breytinga hvað veðrið varðar. Skömmu eftir framúrakstur Buttons á Rosberg voru allir komnir á regndekk.

Vegna óhapps í brautinni´þurfti að endurræsa keppnina, eftir að öryggisbíllinn kom út og Button hélt sinni stöðu óhikað. Hamilton vann sig hægt og bítandi upp stöðulistann og náði framúr Rosberg í kapphlaupinu um annað sætið, þegar ökumenn skiptu á annan gang af regndekkjum fyrir lokasprettinn.

Button hélt sttöðu sinni á meðan hver framúraksturinn af öðrum leit dagsins ljós í brautinni, meira og minna frá upphafi mótsins. Hamilton þokaðist nær Button í lokin og munaði aðeins 1.5 sekúndum á þeim í gengum endamarkið. Rosberg náði að halda þriðja sæti á undan Alonso.

Lokastaðan

Lokastaðan í Kína

1. Button McLaren-Mercedes 1:44:42.163

2. Hamilton McLaren-Mercedes + 1.530

3. Rosberg Mercedes + 9.484

4. Alonso Ferrari + 11.869

5. Kubica Renault + 22.213

6. Vettel Red Bull-Renault + 33.310

7. Petrov Renault + 47.600

8. Webber Red Bull-Renault + 52.172

9. Massa Ferrari + 57.796

10. Schumacher Mercedes + 1:01.749

Stigin

1. Button 60 1. McLaren-Mercedes 109

2. Rosberg 50 2. Ferrari 90

3. Alonso 49 3. Red Bull-Renault 73

4. Hamilton 49 4. Mercedes 60

5. Vettel 45 5. Renault 46

6. Massa 41 6. Force India-Mercedes 18

7. Kubica 40 7. Williams-Cosworth 6

8. Webber 28 8. Toro Rosso-Ferrari 2

9. Sutil 10