Eilífðarbann Briatore fellt úr gildi

Alþjóðabílasambandið, FIA sendi í dag frá sér tilkynningu þar sem eilífiðarbanni Flavio Briatore frá Formúlu 1 er breytt í bann til ársins 2013. FIA hefur samið við Briatore og Pat Symonds vegna svindmálsins svokallaða sem kom upp í Singapúr árið 2008. Briatore var dæmur í eilífðarbann frá Formúlu 1 vegna þess að hann og Pat Symonds sem störfuðu með Renault fengu Nelspn Piquet til að keyra á vegg, þannig að Fernando Alonso ætti meiri möguleika í mótinu í Singapúr. Piquet sagði frá ráðhagnum eftir að hann hafði verið rekinn frá Renault. Alonso vann mótið, en vissi ekki af brölti þrímenninganna. FIA tók málið fyrir og dæmi Briatore í eilífiðarbann frá Formúlu 1, en hann var ekki sáttur og fór með málið fyrir franska dómstóla þar sem úrskurðurinn var tallin óhæfur vegna galla í málsmeðferðinni. En nú hafa málsaðilar komist að samkomulagi og FIA ætlar ekki að áfrýja úrskurði franska dómstólsins. En samkomulagið er þannig að Briatore og Symonds mega hefja störf að nýju, ef einhver eru árið 2013 í Formúlu 1. Briatore var framkvæmdarstjóri Renault og var með fjölda ökumanna á sínum snærum í Formúlu 1.