Stjörnuhátíð KKÍ: KR-ingar unnu skotkeppni stjarnanna

Það er líf og fjög og mikið fjölmenni í Seljaskóla á Stjörnuhátíð KKÍ. Margir skemmtilegir viðburðir hafa farið fram í dag og sá nýjasti er Skotkeppni stjarnanna þar sem fjögur lið tóku þátt. Þetta kemur fram á heimasíðu KKÍ.

Lið KR, Hauka, Njarðvíkur og Keflavíkur reyndu sig í Skotkeppni stjarnanna að þessu sinni en að lokum var það lið KR sem vann nokkuð örugglega en Keflavík endaði í öðru æti.

KR-ingar fóru brautina á 42 sekúndum en skotið var frá sex stöðum. Lokastaðurinn var frá miðju og var það stórskyttan Brynjar Þór Björnsson sem kláraði fyrir KR.



Lokastaðan:

KR 42 sekúndur

Keflavík 48 sekúndur

Njarðvík 50 sekúndur

Haukar 1 mínúta og 33 sekúndur