Pálmi þekkir ekkert annað en að vinna Snæfell-KR seríu

Snæfellingurinn Pálmi Freyr Sigurgeirsson skoraði eina af stærstu körfunum á lokamínútum oddaleiks KR og Snæfells í DHL-höllinni í gær þegar hann kom sínum mönnum í 84-80. Pálmi var langhæstur í plús og mínus í einvíginu.

Pálmi spilaði mikilvægt hlutverk í einvíginu í ár og hjálpaði til þess að vinna fjórðu Snæfell-KR seríuna á sínum ferli. Það lið sem hefur haft hann innanborðs undanfarin fjögur ár hefur unnið einvígið og alltaf eftir oddaleik.

Snæfell vann þær 89 mínútur sem Pálmi spilaði í einvíginu með 32 stigum sem er 21 stigi betra stigahlutfall en næsti maður á listanum sem var KR-ingurinn Finnur Atli Magnússon.

Einvígi Snæfells og KR í úrslitakeppni

Undanúrslit 2010 - KR 2-3 Snæfell

Pálmi með Snæfelli (5,2 stig og 2,4 stoðsendingar á 17,8 mínútum)

Undanúrslit 2007 - KR 3-2 Snæfell

Pálmi með KR (5,2 stig og 2,2 stoðsendingar á 23 mínútum)

Átta liða úrslit 2006 - KR 2-1 Snæfell

Pálmi með KR (7,3 stig og 3,3 stoðsendingar á 34 mínútum)

Átta liða úrslit 2005 - Snæfell 2-1 KR

Pálmi með Snæfelli (13,0 stig og 4,0 stoðsendingar á 27,7 mínútum)



Hæsta plús og mínus í undanúrslitaeinvígi KR og Snæfells 2010:

Pálmi Freyr Sigurgeirsson, Snæfell +32 (-23 þegar hann var útaf)

Finnur Atli Magnússon,KR +21 (-30)

Hlynur Bæringsson, Snæfell +17 (-8)

Martins Berkis, Snæfell +16 (-7)

Brynjar Þór Björnsson, KR +14 (-23)

Páll Fannar Helgason, Snæfell +12 (-3)

Sveinn Arnar Davíðsson, Snæfell +9 (0)

Fannar Ólafsson, KR +6 (-15)

Pavel Ermolinskij, KR +6 (-15)