Kaka tryggði Real sigur

Brasilíumaðurinn Kaka var hetja Real Madrid í gærkvöldi er hann tryggði sínum mönnum í Real Madrid 2-1 sigur á Real Zaragoza á útivelli.

Kaka hefur verið mikið gagnrýndur í spænskum fjölmiðlum í vetur fyrir frammistöðu sína með Real Madrid.

Hann svaraði því í kvöld með því að skora sigurmark Real Madrid á 82. mínútu, sjö mínútum eftir að hann kom inn á sem varamaður fyrir Fernando Gago.

Raul skoraði fyrra mark Real á 50. mínútu en Adrian Colunga jafnaði metin fyrir heimamenn ellefu mínútum síðar.

Real er því enn einu stigi á eftir Barcelona á toppi deildarinnar þegar fjórar umferðir eru eftir í deildinni.

Valencia styrkti stöðu sína í þriðja sætinu með 1-0 sigri á Deportivo í kvöld. David Villa skoraði eina mark leiksins úr vítaspyrnu í fyrri hálfleik.