Skuld Barcelona er 442 milljónir evra

Barcelona skuldar 442 milljónir evra. Þetta kemur fram í nýrri úttekt á fjármálum félagsins. Það tapaði alls 77 milljónum evra á síðasta tímabili.

Fráfarandi stjórn laug því að skuldin væri aðeins 11 milljónir evra en nýr forseti fyrirskipaði ítarlega úttekt á fjármálunum.

Barcelona neyddist til a taka lán sem var vel yfir 100 milljónum evra til að borga laun leikmanna um síðustu mánaðarmót.

Samt sem áður hefur félagið keypt David Villa og Adriano í sumar en selt Dymtro Chygrynskiy. Það vill enn kaupa Cesc Fabregas frá Arsenal.