Buemi áfram hjá Torro Rosso

Svisslendingurinn Sebastian Buemi verður áfram hjá Torro Rosso samkvæmt frétt á autosport.com í dag. Buemi sagði í síðustu viku að klára þyrfti einhver atriði í samningi hans, áður en hann væri staðfestur hjá liðinu, eins og Torro Rosso gerði reyndar í síðustu viku. Í Torro Rosso samkundu um helgina staðfesti Buemi að hann yrði áfram hjá liðinu, sem er ítalskt. "Ég hef verið hjá Red Bull allan minn ferill og verði á samningi hjá þeim um nánustu framtíð og næsta ár meðtalið. Jafnvel þó ég hafi ekki skrifað undir neitt. Ég er ánægður hérna og veit alveg að ég væri ekki hér án Red Bull", sagði Buemi. Hann gekk til liðs við Torro Rosso árið 2009, en það lið er í eigu Red Bull, eins og hið eiginlega Red Bull lið.