IE-deild karla: Þrír leikir á dagskrá í kvöld

Þrír leikir fara fram í Iceland Express-deild karla í körfubolta í kvöld þar sem hæst ber viðureign Stjörnunnar og Grindavíkur í Ásgarði í Garðabæ.

Þá taka nýkrýndir Subway-bikarmeistarar Snæfells á móti ÍR í Fjárhúsinu í Stykkishólmi og FSu heimsækir Fjölni í Dalhús í Grafarvogi.

Stjarnan er fyrir leiki kvöldsins í þriðja sæti deildarinnar með tveggja stiga forskot á Grindavík sem er í fjórða sætinu, með jafnmörg stig og Snæfell og Njarðvík.

ÍR og Fjölnir eru hins vegar í baráttunni á hinum endanum um sæti í úrslitakeppninni en ÍR er í áttunda sæti, tveimur stigum fyrir ofan Fjölni sem er í tíunda sætinu.

FSu er aftur á móti á botni deildarinnar með aðeins einn sigur úr sautján leikjum til þessa.

Leikir kvöldsins:

Stjarnan-Grindavík kl. 19.15

Snæfell-ÍR kl. 19.15

Fjölnir-FSu kl. 19.15