Helga Margrét hætti keppni

Helga Margrét Þorsteinsdóttir hefur ákveðið að hætta keppni í sjöþraut á Evrópumeistaramótinu í frjálsum íþróttum í Barcelona.

Fram kemur á heimasíðu Frjálsíþróttasambandsins að Helga Margrét hafi verið langt frá sínu besta í fyrstu greinum þrautarinnar. Hún átti að keppa í 200 metra hlaupi nú undir kvöld sem var lokagrein dagsins.

Eftir fyrstu þrjár greinarnar var hún í 24. sæti af alls 25 keppendum.

Þar með hafa allir Íslendingarnir lokið þátttöku á EM í Barcelona. Einn Íslendingur komst í úrslit í sinni grein en það var Ásdís Hjálmsdóttir sem varð í tíunda sæti í spjótkasti kvenna.