Ánægja með Alonso, þrátt fyrir mistök

Luca Montezemolo, forseti Ferrari segist ánægður með Fernando Alonso og sér ekkert eftir að hafa ráðið hann, frekar en sannfæra Michael Schumacher um endurkomu til Ferrari. en Schumacher fór til Mercedes. "Það gekk vel með Schumacher, en það er búið. Engin eftirsjá og við erum ánægður með Alonso, bæði innan og utan brautar. Alonso er með rétta andann fyrir liðið og tengdur liðinu. Hann er mikill baráttujaxl", sagði Montezemolo í samtali við Gazzetta dello sport, en autosport.com greinir frá þessari frétt ítalska miðilsins. Alonso gerði mistök í síðustu keppni sem þýddu að hann gat ekki tekið þátt í tímatökunni og ræsti í 24. sæti af stað, en lauk keppni í sjötta sæti. Í sæti á undan Schumacher, sem var dæmdur fyrir að brjóta á Alonso í lokahring mótsins og færður í tólfta sæti. "Ég lít á það sem gerðist í Mónakó sem merki um of mikið sjálfstraust. Hann vildi finna keyr á ystu nöf og ná fremsta stað á ráslínu og keyrði á. Svo þjófstartaði hann í Kína vegna spennunnar, en við erum í frábærri stöðu í stigamótinu", sagði Montezemolo aðspurður um mistök Alonso í mótum ársins. Alonso er í þriðja sæti í stigakeppni ökumanna, þremur stigum á eftir Mark Webber og Sebastian Vettel. Þeir keppa í Tyrklandi um næstu helgi. Montzemolo ræddi jafnframt að allt væri opið gangvart Massa varðandi framtíðina, ef hann stæði sig vel, en samningur hans rennur út í lok ársins. Bæði nafn Robert Kubica og Mark Webber hafa verið rædd hvað Ferrari og 2011 varðar á vefmiðlum.