Nadal snýr aftur á Montreal Masters í næstu viku

Tenniskappinn Rafael Nadal mun snúa aftur til keppni á Montreal Masters-mótinu í næstu viku eftir tveggja mánaða fjarveru frá keppni vegna hnémeiðsla.

Toni Nadal, frændi og þjálfari Rafael, staðfesti fregnirnar í samtali við Marca.

„Við ætlum að nota mótið í Montreal til þess að sjá hvar hann stendur í alvöru tennisleik. Aðal málið er að hann verði kominn í nógu gott líkamlegt ásigkomulag fyrir Opna-bandaríska meistaramótið í lok mánaðar," segir Nadal.

Helsti keppinautur Nadal, Svisslendingurinn Roger Federer, hefur unnið þrjú ár í röð á Opna-bandaríska meistaramótinu.