Ronaldo búinn að opna markareikninginn fyrir Real

Portúgalinn Cristiano Ronaldo skoraði sitt fyrsta mark fyrir Real Madrid í kvöld eftir að hann kom til liðsins frá Manchester United fyrir metupphæð.

Ronaldo skoraði úr vítaspyrnu í 4-2 sigri Real Madrid á liði frá Ekvador í æfingamóti sem kallast Friðarbikarinn. Ronaldo fiskaði vítið sjálfur en mark hans kom á 48. mínútu leiksins.

Christoph Metzelder, Esteban Granero og Alvaro Negredo skoruðu hin mörk Real Madrid í leiknum en með sigrinum tryggði liðið sér sæti í úrslitaleik Friðarbikarsins á móti Juventus á föstudaginn.