Federer og Serena best á tennisvellinum á árinu

Roger Federer og Serena Williams eru Heimsmeistarar Alþjóðatennissambandsins fyrir árið 2009 en þetta eru verðlaun fyrir bestu frammistöðuna í risamótunum fjórum, mótaröðinni, Davis-bikarnum og Fed-bikarnum.

Þetta er í fimmta sinn sem Roger Federer er útnefndur heimsmeistari en Williams fékk þessa viðurkenningu í annað skiptið.

Roger Federer vann tvö risamót á árinu, opna franska á Roland Garros og Wimbledon mótið en hann hefur nú unnið fimmtán risamót á árinu sem er met.

Williams vann opna ástralska og Wimbledon en komst mest í fréttirnar fyrir að missa algjörlega stjórn á skapinu við að mótmæla dómi á opna bandaríska mótinu. Williams fékk 175 þúsund dollara sekt og er á skilorði næstu tvö árin.