Dossena orðaður við Napoli

Andrea Dossena, leikmaður Liverpool, er nú orðaður við Napoli í ítölskum fjölmiðlum. Félagið er sagt vilja fá hann að láni í janúar næstkomandi.

Dossena hefur ekki náð að vinna sér fast sæti í byrjunarliði Liverpool en hann hefur átt við meiðsli að stríða að undanförnu.

Napoli hafði áhuga á að fá hann í sumar en ekkert varð af því.

Roberto Donadoni var rekinn úr starfi knattspyrnustjóra hjá félaginu nú í haust og mun sá nýi, Walter Mazzarri, hafa áhuga á að fá Dossena í raðir félagsins.