Federer setur stefnuna á sigur sjötta árið í röð

Tenniskappinn Roger Federer er fullur sjálfstrausts fyrir keppni á Opna-bandaríska meistaramótinu sem nú stendur yfir en Svisslendingurinn hefur unnið mótið fimm ár í röð.

Federer hóf titilvörnina í dag með sigri á Bandaríkjamanninum Devin Britton. Federer hefur þess utan unnið bæði opna franska meistaramótið og Wimbledon mótið á þessu ári.

„Ég er miklu rólegri núna en ég var í fyrra til að mynda. Núna er ég þegar búinn að vinna tvö Grand-Slam mót og það léttir pressunni á manni. Ég er annars búinn að vera að spila vel á þessu ári og er með mikið sjálfstraust," segir Federer.