Viðskipti erlent

Lykiltölur: Atvinnuleysið minnkar í Bandaríkjunum

Einhverjar helstu lykiltölur í efnahagsmálum Bandaríkjanna voru birtar í hádeginu en þær sýna að atvinnuleysið minnkar þar í landi úr 10,2% og niður í 10%. Þetta er þvert á spár sérfræðinga sem gerðu ráð fyrir að atvinnuleysið myndi halda áfram að aukast.

Í frétt um málið á Bloomberg fréttaveitunni segir að atvinnurekendur vestan hafs hafi ekki fækkað starfsfólki jafnlítið í einum mánuði og nú í nóvember síðan að kreppan skall á í fyrra.

Stjórn Barack Obama er undir töluverðum þrýstingi að skapa fleiri störf í landinu en helmingur þeirra 7,2 milljóna Bandaríkjamanna sem ganga atvinnulausir hefur misst vinnu sína eftir að Obama sór embættiseið sinn sem forseti í upphafi ársins.

Markaðir í Evrópu tóku kipp upp á við þegar þessar tölur voru tilkynntar og opnun markaða vestan hafs verður í plus í dag m.v. utanmarkaðsviðskipti.





Mest lesið


Fleiri fréttir

Sjá meira


×

Mest lesið