Barcelona að kaupa brasilískan markahrók

Palmeiras hefur staðfest að Barcelona hafi boðið í brasilíska framherjann Keirrison. „Í morgun sendi Barcelona frá Spáni tilboð vegna leikmannsins," segir í yfirlýsingu á heimasíðu félagsins.

Keirrison er ekki í leikmannahópi liðsins fyrir leikinn gegn Santos á morgun og er væntanlegur til Spánar. Talið er að hann muni kosta á bilinu 15-20 milljóna evra en hann gæti verið lánaður á næsta tímabili selji félagið ekki Samuel Eto´o.

Vanderlei Luxemborgo, fyrrum þjálfari Palmeiras, segir að Keirrison sé tilbúinn fyrir Barelona.

Hann er 21 árs gamall og heitir fullu nafni Keirrison de Souza Carneiro. Hann skoraði 43 mörk í 63 leikjum fyrir Cortiba áður en hann fór til Palmeiras fyrr á árinu. Þar hefur hann skorað sjö mörk í tíu leikjum.

Barcelona hefur enn ekki tjáð sig um leikmanninn.