Puyol: Það er engin krísa hjá Barcelona

Carles Puyol, fyrirliði Barcelona, er ekki sáttur við þann fréttaflutning að það séu vandræði innan herbúða félagsins. Fréttirnir komu í kjölfarið á jafnteflinu gegn Osasuna um helgina.

Svo tapaði Barcelona afar óvænt fyrir Rubin Kazan á heimavelli í Meistaradeildinni á dögunum.

„Það er engin krísa í gangi. Vissulega hafa úrslit allra leikjanna ekki verið alveg nógu góð og fátt jákvætt í gangi en Barcelona hefur alla burði til þess að snúa þessu slæma gengi við," sagði Puyol.

„Markmið okkar í vikunni er að vinna Rubin Kazan í Rússlandi. Tapið gegn þeim var óvænt en við erum Evrópumeistarar og það er ætlast til þess að við vinnum þennan leik."