Norska krónan gjaldeyrisskjól í stað dollarans og frankans 19. mars 2009 10:32 Töluverð umræða er nú um það að norska krónan muni í náinni framtíð taka við af dollaranum, svissneska frankanum og japanska jeninu sem helsta gjaldeyrisskjól heimsins. Þessi umræða hófst í kjölfar þess að seðlabanki Sviss ákvað nýlega að grípa inn í gjaldmiðlamarkað landsins og lækka gengi frankans. Þar með fækkaði gjaldeyrisskjólum fjárfesta um eitt í fjármálakreppunni. Financial Times fjallar um málið í dag. Blaðið segir að gengisfall frankans komi í framhaldi af vangaveltum um stöðu hinna skjólanna, dollarans og jensins. Simon Derrick hjá Bank of New York Mellon segir að gengi dollarans hafi greinilega haldist hátt vegna þess að fjárfestar hafa keypt hann í miklum mæli í núverandi kreppu. Hinsvegar muni hin gríðarlega fjármagnseyðsla bandarískra stjórnvalda gera það að verkum að stöðuleika hans er ógnað. Á sama tíma er heilsa jensins vafasöm því tölur úr japanska hagkerfinu sína verulega niðursveiflu þess, einkum vegna minnkandi útflutnings sem keyrt hefur hagkerfið áfram árum saman. David Bloom hjá HSBC segir að norska krónan sé nú hið endanlega gjaldeyrisskjól. „Norska krónan er sennilega besti gjaldmiðill heimsins," segir Bloom í samtali við FT. Blaðið segir að þetta sjónarmið virðist koma á óvart og bendir á að í desember hafi krónan fallið niður í lægsta gildi sitt gagnvart evrunni frá upphafi aðallega vegna lækkunar á heimsmarkaðsverði á olíu. En krónan hefur sótt í sig veðrið eftir því sem stöðugleiki hefir komist á olíuverðið. Og bent er á að norska krónan sé einn af fáum gjaldmiðlum heimsins sem haldið hafa stöðu sinni gagnvart dollaranum og gott betur því gengið hefur hækkað um 3% gagnvart dollar á þessu ári. Bloom segir að norska krónan sé þeirra valkostur af helstu gjaldmiðlum heimsins og að hann reikni með að hún muni halda áfram að styrkjast næstu 18 mánuðina. Sem stendur er norska krónan ofarlega á topp 10 listanum yfir þá gjaldmiðla sem mest er verslað með í heiminum. Hagvöxtur í Noregi nam 1.3% á fjórða ársfjórðungi síðasta árs og ekki er reiknað með nándar eins mikilli niðursveiflu í norska hagkerfinu í ár eins og hjá öðrum vestrænum ríkjum. Þ'a megi benda á að skuldatryggingarálagið hjá norska ríkinu sé það lægsta meðal þjóða á fyrrgreindum topp 10 lista. Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Sunna veitir Livio samkeppni í frjósemi Viðskipti innlent Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Stöðva þurfi rányrkju bílastæðaeigenda Neytendur Andri aðstoðarframkvæmdastjóri Júní Viðskipti innlent Svekktur en ekki hissa á færri íbúðum í byggingu Viðskipti innlent Enn eitt félag Quangs gjaldþrota Viðskipti innlent Vill laða að lágverðsverslun á Krókinn Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Töluverð umræða er nú um það að norska krónan muni í náinni framtíð taka við af dollaranum, svissneska frankanum og japanska jeninu sem helsta gjaldeyrisskjól heimsins. Þessi umræða hófst í kjölfar þess að seðlabanki Sviss ákvað nýlega að grípa inn í gjaldmiðlamarkað landsins og lækka gengi frankans. Þar með fækkaði gjaldeyrisskjólum fjárfesta um eitt í fjármálakreppunni. Financial Times fjallar um málið í dag. Blaðið segir að gengisfall frankans komi í framhaldi af vangaveltum um stöðu hinna skjólanna, dollarans og jensins. Simon Derrick hjá Bank of New York Mellon segir að gengi dollarans hafi greinilega haldist hátt vegna þess að fjárfestar hafa keypt hann í miklum mæli í núverandi kreppu. Hinsvegar muni hin gríðarlega fjármagnseyðsla bandarískra stjórnvalda gera það að verkum að stöðuleika hans er ógnað. Á sama tíma er heilsa jensins vafasöm því tölur úr japanska hagkerfinu sína verulega niðursveiflu þess, einkum vegna minnkandi útflutnings sem keyrt hefur hagkerfið áfram árum saman. David Bloom hjá HSBC segir að norska krónan sé nú hið endanlega gjaldeyrisskjól. „Norska krónan er sennilega besti gjaldmiðill heimsins," segir Bloom í samtali við FT. Blaðið segir að þetta sjónarmið virðist koma á óvart og bendir á að í desember hafi krónan fallið niður í lægsta gildi sitt gagnvart evrunni frá upphafi aðallega vegna lækkunar á heimsmarkaðsverði á olíu. En krónan hefur sótt í sig veðrið eftir því sem stöðugleiki hefir komist á olíuverðið. Og bent er á að norska krónan sé einn af fáum gjaldmiðlum heimsins sem haldið hafa stöðu sinni gagnvart dollaranum og gott betur því gengið hefur hækkað um 3% gagnvart dollar á þessu ári. Bloom segir að norska krónan sé þeirra valkostur af helstu gjaldmiðlum heimsins og að hann reikni með að hún muni halda áfram að styrkjast næstu 18 mánuðina. Sem stendur er norska krónan ofarlega á topp 10 listanum yfir þá gjaldmiðla sem mest er verslað með í heiminum. Hagvöxtur í Noregi nam 1.3% á fjórða ársfjórðungi síðasta árs og ekki er reiknað með nándar eins mikilli niðursveiflu í norska hagkerfinu í ár eins og hjá öðrum vestrænum ríkjum. Þ'a megi benda á að skuldatryggingarálagið hjá norska ríkinu sé það lægsta meðal þjóða á fyrrgreindum topp 10 lista.
Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Sunna veitir Livio samkeppni í frjósemi Viðskipti innlent Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Stöðva þurfi rányrkju bílastæðaeigenda Neytendur Andri aðstoðarframkvæmdastjóri Júní Viðskipti innlent Svekktur en ekki hissa á færri íbúðum í byggingu Viðskipti innlent Enn eitt félag Quangs gjaldþrota Viðskipti innlent Vill laða að lágverðsverslun á Krókinn Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira