Hjalti Pálmason: Vorum hauslausir

„Það er ótrúlegt að sjá hvað það getur verið mikill munur á liðinu. Vörn og markvarsla var frábær í síðasta leik en við vorum hauslausir hér í dag sem er ótrúlegt í úrslitakeppni," sagði Valsarinn Hjalti Pálmason sem lék einna skást Valsmanna í kvöld.

„Ég veit ekki hvort það var stress í mönnum eða hvað. Það komu smá kaflar en svo dóu þeir. Vorum alltaf að elta. Þeir voru annars betri í dag, það er ekkert flókið."

Völsurum gekk illa að ráða við hinn unga markvörð HK, Björn Inga Friðþjófsson, sem varði meðal annars fimm víti.

„Hann var með okkur í vasanum í dag sem er óskiljanlegt. Ég veit ekki hvort það var á móti okkur að vita að við ættum heimaleikinn inni ef við skitum á okkur hér. Nú verða menn bara að hysja upp um sig á nýjan leik," sagði Hjalti Pálmason.