Álaborg slátraði Deportivo

Síðari leikir 16-liða úrslita UEFA-bikarkeppninnar fóru fram í kvöld og var lítið um óvænt úrslit.

Danska liðið Álaborg viðheldur heiðri Norðurlandanna í keppninni en liðið vann í kvöld 3-1 sigur á Deportivo á heimavelli og samanlagt 6-1.

Eitt Íslendingalið var eftir í keppninni en Twente frá Hollandi, lið Bjarna Þórs Viðarssonar, fór illa að ráði sínu er það tapaði fyrir Marseille á heimavelli, 1-0.

Twente vann fyrri leikinn í Frakklandi, 1-0, og þurfti því að framlengja leikinn. Ekkert mark var skorað en þeir frönsku fögnuðu sigri í vítaspyrnukeppninni, 7-6.

Tvö ítölsk lið af þremur féllu úr leik í kvöld - Fiorentina og AC Milan. Udinese komst hins vegar áfram eftir 2-1 sigur á Lech Poznan frá Póllandi á heimavelli í kvöld.

Tvö spænsk lið voru eftir í keppninni en féllu bæði úr leik. Deportivo sem fyrr segir og Valencia sem gerði nokkuð óvænt 2-2 jafntefli við Dynamo Kiev á heimavelli í kvöld. Kænugarðsmenn komust áfram á fleiri útivallarmörkum.

Hamburg komst örugglega áfram eftir 1-0 sigur á NEC Nijmegen á heimavelli og 4-0 samanlagðan sigur. Landar þeirra í Wolfsburg og Stuttgart féllu hins vegar úr leik.

Úrslit kvöldins (feitletruð lið komust áfram):