Ivanovic féll óvænt úr leik í Ástralíu

Serbneska stúlkan Ana Ivanovic, sem er í fimmta sæti heimslistans, féll óvænt úr leik á opna ástralska meistaramótinu í tennis í dag.

Ivanovic tapaði 5-7, 7-6 og 2-6 fyrir Alisa Kleybanova sem er í 29. sæti heimslistans og er úr leik. Hún hefur ekki náð sér á strik síðan á miðju síðasta keppnistímabili þar sem hún vann m.a. sigur á opna franska meistarmótinu og varð í öðru sæti á opna ástralska.

Þetta eru önnur óvæntu úrslitin í fyrstu umferðum mótsins í kvennaflokki þar sem Venus Williams frá Bandaríkjunum féll áður óvænt úr leik gegn hinni spænsku Carla Suarez Navarro.

Jelena Jankovic, sem er í efsta sæti heimslistans, tryggði sér sæti í 16-manna úrslitum með sigri á Ai Sugiyama 6-4 og 6-4 og þær Dinara Safina og Jelena Jokic eru líka komnar áfram eftir sigra á Kaia Kanepi og Caroline Wozniacki.