Innrás Philip Green hafin í Bandaríkjunum

Sir Philip Green hefur svipt hulunni af opnun Topshop í New York. Topshop keðjan er flaggskip auðjöfursins en hann ætlar nú að opna fimmtán slíkar verslanir í Bandaríkjunum.

Green segist vilja opna á bilinu 12 til 15 verslanir í borgum eins og Miami, Los Angeles og Las Vegas. Hann nefndi einnig möguleika á opnun í Kanada.

Verslunin í New York sem talin er kosta 20 milljónir dollara er innréttuð af færustu hönnuðum bandaríkjanna og mun fylgja svokallaðri "no-Sale" stefnu.

„Það vilja ekki allir vera í 2$ sviðinu," sagði Green og bætti við að gæðavörur væru lykilinn og verslunin væri komin til að vera í Bandaríkjunum.

Green útskýrði einnig seinkunina á opnun verslunarinnar sem upphaflega átti að opna í haust. „Flóð, eldar, allt sem þú getur hugsað þér hefur komið fyrir okkur."

Hann sagði einnig að jólasala Topshop í Bretlandi hefði verið sú mesta í sögunni.