Ferrari: Tími samninga við FIA er liðinn

Framkvæmdarstjóri Ferrari, Stefano Domenicali segir að tími samninga varðandi næsta ár við FIA sé liðinn og fullreynt sé að FOTA, samtök keppnisliða og FIA nái ekki saman.

"Ég tel að það sé samstaða meðal Formúlu 1 liða að láta nýja mótaröð verða að veruleika. Við höfum sýnt FIA virðingu í samningaumleitunum og teljum að það sé mörk fyrir langlundargeði. Max Mosley sagði að það væri ekki fullkominn samstaða meðal liðanna og það er besta að útiloka ekki neitt. Þannig er lífið og póltítin líka. Ég tel samt afstöðu FOTA vera nokkuð ljósa. Það verða öll lið sem vilja keppa í mótaröð okkar boðinn velkominn, eins lengi og þau hafi burði til að keppa að kappi. ", sagði Domenicali eftir mótið á SIlverstone.

Átta lið eru í FOTA og forráðamenn þeirra funda á fimmtudaginn. Mosley sendi frá sér ýfirlýsingu í dag þar sem segir að hann sjái sig tilneyddan til að bjóða sig fram til kjörs forseta FIA, þar sem keppnisliðin séu að reyna kljúfa Formúlu 1 íþróttina í tvennt. Kosið verður í haust til næstu fjögurra ára.