Van Nistelrooy er uppáhaldsleikmaður Bolt

Usain Bolt var mættur á leik Real Madrid og Deportivo í gær til þess að taka upphafsspark leiktíðarinnar hjá Madrid. Honum fórst það vel úr hendi.

„Man. Utd var uppáhaldsliðið mitt þegar ég byrjaði að fylgjast með fótbolta því Ruud Van Nistelrooy var þar. Hann er minn uppáhaldsleikmaður og því byrjaði ég að halda með Real þegar hann fór þangað," sagði Bolt sem skemmti sér konunglega á leiknum.

Bolt viðurkenndi að hafa verið stressaður fyrir framan 80 þúsund áhorfendur og með bolta við tærnar. Engu að síður hafi reynslan verið einstök.