Heitar umræður útaf reglubreytingum

Ökumenn og forráðamenn liða eru ekki á eitt sáttir með nýjasta útspil FIA varðandi reglubreytingar fyrir komandi tímabil og aðferðir við að minnka kostnað á næstu árum.

Sumir styðja nýtt kerfi til að ákvarða heimsmeistara, það að flest gull ráði sigrum, en aðrir telja regluna allt of seint til komna. Lewis Hamilton, heimsmeistari segir ekki gott að ný regla sé ákveðinn 10 dögum fyrir fyrsta mót. Michael Schumacher og Fernando Alonso hafa tjáð sig á svipaðan hátt í vikunni.

Forseti Ferrari segir hættulegt að breyta hlutum svo skömmu fyrir mót.

"Svona skyndibreytingar er ekki góðar fyrir Formúlu 1 og virka ekki vel á áhorfendur, blaðamenn eða þá sem fjárfesta í íþróttinni. Þá höfum við unnið mikið í því að minnka kostnað í Formúlu 1 og nýjast útspil FIA hvað það varðar er ekki rétt tímasett. Það er mikilvægt að hafa gott jafnvægi á hlutum og óþarfi að það hrikti í stoðum varðandi störf manna og rekstur fyrirtækja", sagði Luca Montezemolo hjá Ferrari.

FIA vill setja þak á þær upphæðir sem Formúlu 1 lið setja í íþróttina, til að minnka rekstrarkostnað. Viðmið FIA er 30 miljónir sterlingspunda, en stærstu liðin hafa varið allt að tífalt þeirri upphæð á hverju ári.

Sjá nánar um málið