Xavi ánægður með eyðslu Real

Miðjumaðurinn magnaði Xavi, leikmaður Barcelona, er ánægður með eyðsluna í Real Madrid. Barcelona vann deildina, bikarinn og Meistaradeildina á síðasta tímabili en Real ekki neitt. Á breyting að verða þar á.

Real hefur eytt um 150 milljónum punda í þá Kaká, Ronaldo og Raul Albiol. Fleiri eru væntanlegir.

„Það er gott fyrir Real Madrid, fyrir gæði deildarinnar og jafnvel fyrir Barcelona, þar sem þetta krefst enn meira frá okkur," sagði Xavi um eyðslusemina.

Hann vonaðist þó til þess að David Villa yrði keyptur til Barcelona en hann hefur verið orðaur við félagið að undanförnu, líkt og Real Madrid.