Endurhæfing Nadal gengur vel

Allt útlit er fyrir að Spánverjinn Rafael Nadal geti varið titill sinn á Wimbledon-mótinu í tennis sem hefst á mánudaginn næstkomandi.

Nadal er efstur á heimslistanum en féll óvænt úr leik á opna franska meistaramótinu í tennis í upphafi mánaðarins. Síðar greindi hann frá því að meiðsli hefðu verið að plaga hann undanfarna mánuði.

Honum tókst þó að klára þriggja klukkutíma æfingu í gær og mun taka þátt í æfingamóti í London á föstudaginn.

„Það verður góð prófraun fyrir hnéð mitt," sagði Nadal.