Nadal sigraði á Rómarmótinu

Spánverjinn Rafael Nadal vann í dag sigur á Novak Djokovic í úrslitaleik rómverska meistaramótsins í tennis sem fram fer árlega. Þetta var fjórði sigur hans á mótinu á fimm árum.

Nadal vann 7-6 (7-2) og 6-2 og hefur nú unnið 30 leiki í röð á leirvöllum. Nadal endurheimti þarna titilinn sem hann tapaði óvænt í hendur Juan Carlos Ferrero í fyrra, en hann hefur ekki tapað á leirvelli síðan.

Spánverjinn, sem er í efsta sæti heimslistans, vann þennan titil þrjú ár í röð á árunum 2005-07. Nadal hefur aldrei tapað fyrir Djokovic á leirvelli í átta viðureignum þeirra.