Stover tryggði Ravens sigurinn

8-liða úrslit ameríska fótboltans hófust í gærkvöldi. Arizona Cardinals sigraði Carolina Panthers 33-13.

Arizona er þar með komið í úrslit Þjóðardeildarinnar og mætir í úrslitaleik sigurvegaranum úr rimmu Philadelphia Eagles og New York Giants sem keppa í kvöld.

Í Ameríkudeildinni vann Baltimore Ravens sigur á Tennessee Titans, 13-10. Matt Stover tryggði Baltimore sigurinn með vallarmarki af 40 metra færi þegar 57 sekúndur voru til leiksloka.

Í kvöld keppa San Diego Charghers og Pittsburgh Steelers og verður leikurinn sýndur beint á Stöð 2 sport strax á eftir beinni útsendingu frá leik Osasuna og Barcelona í spænska fótboltanum um klukkan 21:50.