Stórt tap á Nýja Sjálandi vegna hruns íslensku bankanna

Það fer að verða vandfundið land í heiminum sem ekki hefur orðið fyrir barðinu á hruni íslensku bankanna s.l. haust. Nú er ljóst að um 1.600 aðilar sem fjárfestu í Credit Sails á Nýja Sjálandi hafa tapað yfir 90 milljónum dollara eða um 11,5 milljörðum kr. Tapið má að mestu rekja til íslensku bankanna.

Credit Sails, sem nú er í gjaldþrotameðferð, var umfangsmikið á skuldatryggingarmarkaðinum og keypti skuldatryggingar á fjármálagerninga hjá öllum íslensku bönkunum þremur, Glitni. Kaupþingi og Landsbankanum.

Það voru einkum ýmis góðgerðarsamtök á Nýja Sjálandi sem fjárfestu sjóði sína hjá Credit Sails og hafa tapað að mestu öllum þeim peningum en Credit Sails var skráð á Cayman eyjum.

Í ítarlegri umfjöllun um málið í blaðinu New Zealand Herald segir Nýsjálendingar geti dregið lærdóm af hruni íslenska efnahagskerfisins en þeir sem fjárfestu hjá Credit Sails hafi tapað 98% af innistæðum sínum þar.

"Lærdómurinn er að lönd þar sem eftirlit með fjármálastofnunum er lélegt en laða að sér kvikt fjármagn geta lent í alvarlegri kreppu þegar þessar fjármálastofnanir falla og erlendir fjárfestar tapa trúnni," segir

Í blaðinu.

Farið er í saumana á þróun íslenska bankakerfisins á síðustu árum og m.a. vitnaði í nýútkomna bók Ásgeirs Jónssonar um hrunið.