Fritzl boðin á­falla­hjálp

Hinum 73 ára gamla Josef Fritzl, sem nú er fyrir rétti í Austurríki fyrir nauðgun og frelsissviptingu á dóttur sinni, hefur verið boðin áfallahjálp til að takast á við réttarhöldin og það andlega álag sem þeim fylgir. 

Lögmaður Fritzl hefur lýst því að skjólstæðingurinn sé óttasleginn en Fritzl hefur gert sitt besta til að forðast sviðsljós fjölmiðlanna síðan réttarhöldin hófust og felur sig iðulega bak við möppu þegar reynt er að mynda hann. Ekki fylgir sögunni hvort Fritzl hafi þekkst boðið.