Furðulegt að vera í fjórða sæti

Martin Whitmarsh segir að McLaren sé sátt við að ná fimmta og sjötta sæti í síðustu keppni í Malasíu, miðað við hvernig liðinu hefur gengið til þess á keppnistímabilinu.

"Mér finnst gott að við náðum stigum. Byrjunin hefur verið furðuleg á þessu ári og það að vera í fjórða sæti, en liðið á þetta skilið", sagði Whitmarsh sem tók nýlega við stjórnartaumum liðsins. Mikill styr hefur staðið um McLaren á árinu vegna þess að liðið reyndi svindla í fyrsta móti ársins.

"Við vorum ekki eins fljótir og Red Bull og Brawn og við höfum verk að vinna, en staðan er ásættanleg. Lewis Hamilton keyrði eins og hann ætti lífið og leysa og gerði því nokkur mistök í bleytunni, en Heikki Kovalainen klikkaði aldrei og varð því á undan Hamilton", sagði Whitmarsh.

Hvorki McLaren né Ferrari hafa átt erindi sem erfiði í spútnik liðin tvö, Brawn og Red Bull. McLaren mætti með nýjan loftdreifi í mótið í Malasíu, en keppt er í Barein um næstu helgi.