Airbus kannar möguleika tengda áliðnaði Óli Kristján Ármannsson skrifar 6. maí 2009 09:00 ér má sjá farþegaþotu Airbus í samsetningu í höfuðstöðvum félagsins í Toulouse í Frakklandi. Almennt má gera ráð fyrir að flugvélar séu í notkun í 25 til 35 ár. Næstu tvo áratugi er gert ráð fyrir að úrelda yfir 6.000 vélar. Markaðurinn/ÓKÁ Flugvélaframleiðandinn Airbus horfir sérstaklega til möguleika í sambýli íhlutaframleiðslu og niðurrifsverksmiðja félagsins við álframleiðslu. Bruno Costes, framkvæmdastjóri umhverfismála og iðnsamhæfingar hjá Airbus, segir að í öllum þáttum framleiðslunnar sé horft til þess að draga úr neikvæðum umhverfisáhrifum. „Þetta snýst ekki um trjágróður og plöntur. Umhverfisskilvirkni [e. Eco-Efficiency] snýst um stjórnunarhætti á viðskiptalegum grunni. Félagið sýnir umhverfisábyrgð sem um leið skilar auknum hagnaði og samfélagslegum ávinningi," segir hann. Félagið hefur tekið inn í stefnumótun og starfsemi nokkuð sem kallað er heildstæð sýn á líftíma flugvéla. Öll hönnun á að miða við að draga úr umhverfisáhrifum, allt frá framleiðslu vélanna og samsetningu til úreldingar og niðurrifs. Costes bendir á að á fyrir árið 2026 endi um 6.400 flugvélar lífdaga sína, eftir áratuga þjónustu í flugiðnaði. Því þurfi að huga sérstaklega að umhverfisþáttum þegar komi að niðurrifi og endurnýtingu. Hingað til hafi ónýtar flugvélar oft verið látnar grotna niður í „flugvélakirkjugörðum" en með nýrri áætlun Airbus sem nefnist PAMELA (e. Process of Advanced Management of End of Life of Aircraft) sé gert ráð fyrir að endurnýta megi allt að 85 prósent efnis ónýtra flugvéla. Til þess að draga úr flutningi með flugvélahluta og þar með úr útblæstri í vinnsluferlinu segir Costes það samrýmast umhverfisstefnu Airbus (og móðurfélagsins EADS) að staðsetja verksmiðjur og vinnslustöðvar félagsins þar sem stutt sé í aðföng. Samsetning, niðurrif og íhlutaframleiðsla flugvéla fari vel í sambýli við álbræðslur, þar sem dregið sé úr ferðalögum með efnivið. „Með því fæst vistvæn hagræðing, þar sem dregið er bæði úr útblæstri og kostnaði." Unnið hefur verið að þróun PAMELA-verkefnisins við Tarbes-flugvöll í Frakklandi til þess að búa til viðmið um bestu framkvæmd í niðurrifi flugvéla. Í framhaldinu segir Costes verið að grafast fyrir um möguleika á samstarfi við iðnfyrirtæki þar sem það kunni að henta. Tómas Már Sigurðsson, forstjóri Alcoa Fjarðaáls, segir möguleikann á samstarfi við flugvélaframleiðanda á borð við Airbus ekki hafa verið skoðaðan formlega hjá félaginu. „En við höfum verið opin fyrir möguleikum til frekari úrvinnslu," segir hann og nefnir sem dæmi fyrirætlanir um að reisa álkaplaverksmiðju austur á fjörðum. „Margir hafa sýnt því áhuga að byggja upp frekari verðmætasköpun með úrvinnslu á áli sem hér er framleitt. Við tökum jákvætt í allar slíkar umleitanir, þótt framleiðsla fyrir flugvélaiðnað hafi ekki verið skoðuð sérstaklega." Tómas Már segir að þótt margir hafi verið áhugasamir um að koma á framleiðslu á vörum úr áli í tengslum við verksmiðju félagsins á Reyðarfirði skipti miklu máli hversu langt framleiðslan sé frá öllum mörkuðum. „Flutningarnir eru erfiðasti pósturinn fyrir hvern þann sem ætlar að koma upp einhverri slíkri starfsemi, þótt ég efist ekki um að hægt sé að finna starfsemi sem fellur að aðstæðum hér." Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Sunna veitir Livio samkeppni í frjósemi Viðskipti innlent Stöðva þurfi rányrkju bílastæðaeigenda Neytendur Andri aðstoðarframkvæmdastjóri Júní Viðskipti innlent Svekktur en ekki hissa á færri íbúðum í byggingu Viðskipti innlent Enn eitt félag Quangs gjaldþrota Viðskipti innlent Vill laða að lágverðsverslun á Krókinn Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Flugvélaframleiðandinn Airbus horfir sérstaklega til möguleika í sambýli íhlutaframleiðslu og niðurrifsverksmiðja félagsins við álframleiðslu. Bruno Costes, framkvæmdastjóri umhverfismála og iðnsamhæfingar hjá Airbus, segir að í öllum þáttum framleiðslunnar sé horft til þess að draga úr neikvæðum umhverfisáhrifum. „Þetta snýst ekki um trjágróður og plöntur. Umhverfisskilvirkni [e. Eco-Efficiency] snýst um stjórnunarhætti á viðskiptalegum grunni. Félagið sýnir umhverfisábyrgð sem um leið skilar auknum hagnaði og samfélagslegum ávinningi," segir hann. Félagið hefur tekið inn í stefnumótun og starfsemi nokkuð sem kallað er heildstæð sýn á líftíma flugvéla. Öll hönnun á að miða við að draga úr umhverfisáhrifum, allt frá framleiðslu vélanna og samsetningu til úreldingar og niðurrifs. Costes bendir á að á fyrir árið 2026 endi um 6.400 flugvélar lífdaga sína, eftir áratuga þjónustu í flugiðnaði. Því þurfi að huga sérstaklega að umhverfisþáttum þegar komi að niðurrifi og endurnýtingu. Hingað til hafi ónýtar flugvélar oft verið látnar grotna niður í „flugvélakirkjugörðum" en með nýrri áætlun Airbus sem nefnist PAMELA (e. Process of Advanced Management of End of Life of Aircraft) sé gert ráð fyrir að endurnýta megi allt að 85 prósent efnis ónýtra flugvéla. Til þess að draga úr flutningi með flugvélahluta og þar með úr útblæstri í vinnsluferlinu segir Costes það samrýmast umhverfisstefnu Airbus (og móðurfélagsins EADS) að staðsetja verksmiðjur og vinnslustöðvar félagsins þar sem stutt sé í aðföng. Samsetning, niðurrif og íhlutaframleiðsla flugvéla fari vel í sambýli við álbræðslur, þar sem dregið sé úr ferðalögum með efnivið. „Með því fæst vistvæn hagræðing, þar sem dregið er bæði úr útblæstri og kostnaði." Unnið hefur verið að þróun PAMELA-verkefnisins við Tarbes-flugvöll í Frakklandi til þess að búa til viðmið um bestu framkvæmd í niðurrifi flugvéla. Í framhaldinu segir Costes verið að grafast fyrir um möguleika á samstarfi við iðnfyrirtæki þar sem það kunni að henta. Tómas Már Sigurðsson, forstjóri Alcoa Fjarðaáls, segir möguleikann á samstarfi við flugvélaframleiðanda á borð við Airbus ekki hafa verið skoðaðan formlega hjá félaginu. „En við höfum verið opin fyrir möguleikum til frekari úrvinnslu," segir hann og nefnir sem dæmi fyrirætlanir um að reisa álkaplaverksmiðju austur á fjörðum. „Margir hafa sýnt því áhuga að byggja upp frekari verðmætasköpun með úrvinnslu á áli sem hér er framleitt. Við tökum jákvætt í allar slíkar umleitanir, þótt framleiðsla fyrir flugvélaiðnað hafi ekki verið skoðuð sérstaklega." Tómas Már segir að þótt margir hafi verið áhugasamir um að koma á framleiðslu á vörum úr áli í tengslum við verksmiðju félagsins á Reyðarfirði skipti miklu máli hversu langt framleiðslan sé frá öllum mörkuðum. „Flutningarnir eru erfiðasti pósturinn fyrir hvern þann sem ætlar að koma upp einhverri slíkri starfsemi, þótt ég efist ekki um að hægt sé að finna starfsemi sem fellur að aðstæðum hér."
Mest lesið Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf Gervigreind og tíska: Hafa nú þegar fengið 100 milljónir í styrki Atvinnulíf Sunna veitir Livio samkeppni í frjósemi Viðskipti innlent Stöðva þurfi rányrkju bílastæðaeigenda Neytendur Andri aðstoðarframkvæmdastjóri Júní Viðskipti innlent Svekktur en ekki hissa á færri íbúðum í byggingu Viðskipti innlent Enn eitt félag Quangs gjaldþrota Viðskipti innlent Vill laða að lágverðsverslun á Krókinn Viðskipti innlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira