Spilar Ronaldo ekki meira á árinu?

Forráðamenn Real Madrid hafa miklar áhyggjur af ökklameiðslum Cristiano Ronaldo en nýjasta nýtt er að Ronaldo gæti þurft að fara í aðgerð vegna meiðslanna.

Það myndi þýða að hann gæti ekki leikið meira á þessu ári.

Hollenski skurðlæknirinn Niek van Dijk segir að Ronaldo megi ekki spila fyrr en í fyrsta lagi þann 20. nóvember. Hann segir að fram að þeim tíma eigi leikmaðurinn að vera í meðferð þar sem fylgst sé ítarlega með því hvernig ökklinn bregðist við æfingum.

Ef hann bregðist ekki vel við sé lítið annað að gera en senda Ronaldo undir hnífinn.